Kharchi mwtai chini Tiprasarok ni kul devta.Agini simi chwng obono pujiui paliui phai o.O kharchi mwtai no twiui kwbangma kok tongo.14 jona mwtaijwk tai mwtaisa rok no khbui o kharchi mwtai.Joto no chini Kaham kwrwng khe tongnani bangwui,Walaya suklaiya khe ton ni bangui,Sangsar unnoti ni bangui tai Joi ungna bangui chwng o mwtai no palio tai surio.O mwtai rok ni ashirbad bai no chwng Banglani kwbang ma ongso,Asom akorogo sashaon khai phai mankha.
Chini Tripura ni Rajmala ni kok mote o kharchi mwtai no puila chini bubagra rok se pujio.Bubagra Daitya thuimani yakulo bini bwsla Tripur bubagra ungkha.Tripura ni joto bubagra rok ni bising bono jotoni slai phan gwnang hunui chongjago.Bo bubagra ungmani ulo ganagini ni joto bubagra rokno bo bini pan bai mechenwi khibibai kha.Aphuru bo sak sak no mwtai hunui wansuk na nangkha.bo bini proja rok no kunu mwtai no pujiui mangwlak hunui saklai kha.Tai hai hunui bo sakha bono se ma pujinai hunui.Bo wngkh belai thamchi kutung borok hamya.Afuru bini o hani borok rok belai kheno satok pitok khaijak bai kha.Bini o tomung rok no soilailiya ungui borok rok Mahadev no bini yakni yokrwna bangwi suri laikha.
Borok rok ni surima no khwnawi Mahadev salsa Tripur no thangui saikha omohai ta khaidi hunui.Phiya Tripur bini kok khwna liya teibo se bari sio hunkhe salsa Mahadev bono bini trishul bai surui bwthar khibi kha.Tripur thwima yakulo o hao kunu bubagra kurwi ungmabai oroi poroi nang thankha.kebono kebo kirilailiya bulai toklai ungui tong kha.Ulo o borok rok haino hai Mahadev no surilaiphiu kha .Aphuru Mahadev Tripur ni bihik Maharani Hirabati no taisa O kharchi mwtai no khilaiphi di hunui dagi kha.Rani Hirabati taisa o kharchi mwtai no khwlaiphikha hinkhe Mahadev ni ashirbad bai bini ogo Mahadev haino mokol koltham bwsa chwla achikh .Bini mung ungkha Triluchan.O Triluchan ungkha belai borok kaham.Mahadev ni ashirbad bai achaio hunui bini tai kaisa mung Subrai Raja eba Sibrai.Haikhe o kharchi mwtai haino hai chengphio kha ta.
Kharchi mwtai ni taikaisa kotoma hinkhe hai....Bubagra Tripur thwima yakulo Maharani Hirabati belai dukho nangjak kha.Bo homodin Mahadev no mang suriui tongo.Salsa bo Twima o tukuna thang phuru bo kaisa kotorma Biriphang buphang ni bedego kapma khorang khwna kha .Bo sabo kap hunui naina thang kha hinkhe aro nuk kha 14 jona mwtaijwk tai mwtai rok no.A biriphang tola khe kotorma Misip masa borok no sikiriui tong o.Mwtairok bono sakha Nini risa o misip ni sago khitarwi rwkhe o misip oroni kutului thang nai .Haikhe maharani Hirabati bini risa no a misip ni sago khitarui rwkha hin khe a misip aroni kutului thang kha.Ulo a 14 jona mwtairok bono sakha nwng chwng no tuidi nini nogo tai chwngno pujidi norok Haikhe afuru ni simi O hani borok rok o Kharchi mwtai no pujilai phaikha hunta.
Kharchi mwtai chini Tripuri bosong ni mwtai.O kharchi mwtai Julay August ni talnukswkang ni salchar o chengui salsini romui cholio.O mwtai no khwlainai hinkhe Chantai.Bo Tripuri dophni borok tai bini nok ni borok no karwi tai keibo Chantai ungui manya.300 bosor ni simi o raida no tabuk swk jora choliui phaio.Omo simi no chini borok bai rwjak mwtai kubun ni kunu dopha ni borok rok o mwtai no rwui manya.Kharchi kaisa kokborok kokthai Khar mane Paap eba English bai Sin tai chi mane Sujak mani.Kharchi mane Paap Sujakmani.O mwtai no suri kha hinkhe joto ppap ni sujaknai eba mukti mannai.Ambu bachi eba Ama pechi ni 15 din ni ulo o kharchi mwtai ungo.Agini kok mote Ama pechi ungkha chi ha amani Risumani sal.A dino kheto kunu kaam albainani omohairok khai manya.Chini Tipra dopha o o jora bwrwi rok tangmanya hunjago afuru chung bwrwirok no songna sukna rwya.Omo haino ama pechi ni salo bo chung kunu samung tangya.Omo haino joto hamya rok no suklai rohorna bangui o mwtai no khilai o chung.
Salsini romui cholio o kharchi mwtai.Kwcham agartala o chwng o kharchi mwtai no naimano.Kharchi mutai ni puilani salo chantai tai bini logisong o 14 ta mwtairok no Saidra ni twimani twi kwthar bai tukuruo.Tukurubai ui taisa mondiro tubui khumbai ako bai sajogui rwo.Salsini ni o mutai ni salo joto dopha ni borok rok no mwtairwna ni thang o.Baksa baksa punjua misip pharuk rok boli rwlaio.a salsini ni salo aro kotorma baning bo achugo.
0 comments:
Post a Comment