Noatia
19 ta songduk dopha rok ni bising Noatia rok bo kaisa dopha.Borok khe o hao kwtal pahinai rok.Agi phru o Noatia rok Arakan paharo tong mani borok bo haino Bangladesh ni Chittagaong pahar wngwi Dokhin Tripura o phai bosong khapai kha.Borok ni kokma bo Kokborok no.Borok bo mongoliod bosong nino.O dophani mung agi o Noatia tongmaya Borok ni mung bo Tripuri no tongmani.Agi phuru Chini Tripura ni Bwbagra bai Arakan ni Bwbagra rok choba nanglai phuru Tripura ni Bwbagra paiya ungui Arakan ni bwbagra Chini Tripurani Kwbang ma sipai rok no romui twlang thang kha.Ulo khe borok arono bosong khai tonglai kha .Aro tongte tongte aroni songduk dopha roki kokrok tomung chamung rok kisa kisa solui thangbai kha.Aroni tomung chamung rok solui thang phano phiya agi ni Tripura dophani tomung chamungrok bo joto komorsugui thang lia.O Noatia rok ni 11 ta dopha tong o .aborok ungkha Anokia,Khaklu,Totaram,Murasing,Noatia,Deildak,Keowa,Garjan,Tongbai,Kalicha, tai Aslong.Notia rok bo kwbangkuk no Hindu.Borok bo tai kokborok sanairok haino Garia,Buisu omo hai joto ter no khaio.Noatia rok ni nok hinkhe Dokhin Tripura tai Longthorai Valley-subdivision o.Kwbangkuk Noatia rok tabuk Tripura title nabaikha.
0 comments:
Post a Comment